ក្រសួងឧស្សាហកម្ម បានផ្តល់សិទ្ធិជាផ្លូវការជូនក្រុមហ៊ុន តេ ហ្សុង ក្នុងការអនុវត្តការងារនៅទូទាំងព្រះរាជាណាចក្រកម្ពុជា ដូចខាងក្រោម ៖
ចាប់ពីខែមិថុនា ឆ្នាំ២០២៦ នេះតទៅ គ្រប់រោងចក្រ សហគ្រាស និងសិប្បកម្មប្រើប្រាស់ឧបករណ៍មានហានិភ័យខ្ពស់ទាំងអស់ នៅទូទាំងព្រះរាជាណាចក្រកម្ពុជាត្រូវតែគោរព និងអនុវត្តតាមបទប្បញ្ញត្តិគ្រប់គ្រងយ៉ាងម៉ឺងម៉ាត់ ដូចខាងក្រោម៖
១) តម្រូវការក្នុងការប្រើប្រាស់ឧបករណ៍មានហានិភ័យខ្ពស់ដែលមានវិញ្ញាបនបត្រ
គ្រប់បណ្តារោងចក្រ សហគ្រាស និងសិប្បកម្មទាំងអស់ដែលមានប្រើប្រាស់ឧបករណ៍មានហានិភ័យខ្ពស់កំពុងប្រតិបត្តិការ ត្រូវតែដាក់ពាក្យស្នើសុំ «វិញ្ញាបនបត្រលក្ខណៈបច្ចេកទេស និងសុវត្ថិភាពនៃប្រតិបត្តិការឧបករណ៍មានហានិភ័យខ្ពស់» ពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឬពីមន្ទីរឧស្សាហកម្ម វិទ្យាសាស្ត្រ វិទ្យាសាស្រ្ត បច្ចេកវិទ្យា និងនវានុវត្តន៍ រាជធានី-ខេត្ត ដែលពាក់ព័ន្ធ។
២) តម្រូវការគុណវុឌ្ឍិសម្រាប់អ្នកអនុវត្ត
រោងចក្រ សហគ្រាស និងសិប្បកម្មដែលប្រកបអាជីវកម្មលើការរចនា ការផលិត ការដំឡើង ការជួសជុល ការកែច្នៃ និងការថែទាំឧបករណ៍ដែលមានហានិភ័យខ្ពស់ត្រូវតែដាក់ពាក្យស្នើសុំការវាយតម្លៃលក្ខណសម្បត្តិទៅកាន់មជ្ឈមណ្ឌលត្រួតពិនិត្យឧបករណ៍មានហានិភ័យខ្ពស់ ហើយលុះត្រាតែបានបញ្ចប់ការពិនិត្យវាយតម្លៃ និងទទួលបានលិខិតអនុញ្ញាតត្រូវគ្នាដែលចេញដោយក្រសួង ឧស្សាហកម្ម បច្ចេកវិទ្យា និងនវានុវត្តន៍ រួចរាល់ហើយ ទើបមានសិទ្ធិស្របច្បាប់ក្នុងការអនុវត្តសកម្មភាពអាជីវកម្មពាក់ព័ន្ធទាំងនោះបាន។ សម្រាប់គម្រោងសាងសង់ថ្មី និងគម្រោងពង្រីកបន្ថែម ប្រសិនបើត្រូវបំពាក់ឧបករណ៍ដែលមានហានិភ័យខ្ពស់ ម្ចាស់គម្រោងសាងសង់ត្រូវបានហាមឃាត់ដាច់ខាតក្នុងការបញ្ជាទិញឧបករណ៍ដែលរចនា ផលិត ឬដំឡើងដោយសហគ្រាសដែលគ្មានលក្ខណសម្បត្តិសមស្រប។ ចំពោះអាជីវកម្មជួសជុល កែច្នៃ និងថែទាំឧបករណ៍ គឺមិនត្រូវបានអនុញ្ញាតឱ្យប្រគល់សិទ្ធិ ឬម៉ៅការទៅឱ្យរោងចក្រ សហគ្រាស និងសិប្បកម្មណាដែលមិនទាន់ទទួលបានលិខិតអនុញ្ញាតផ្លូវការនោះឡើយ។
៣) តម្រូវការសម្រាប់ប្រតិបត្តិករក្នុងការកាន់វិញ្ញាបនបត្រ និងចុះបញ្ជី
បុគ្គលិកប្រតិបត្តិការផ្ទាល់ដែលបញ្ជាឧបករណ៍ដែលមានហានិភ័យខ្ពស់ ត្រូវតែចូលរួមការបណ្តុះបណ្តាល និង ការប្រឡងវាយតម្លៃដែលរៀបចំឡើងជាឯកច្ឆន្ទ ដោយមជ្ឈមណ្ឌលត្រួតពិនិត្យឧបករណ៍មានហានិភ័យខ្ពស់។ ក្រោយពេលប្រឡងជាប់ ទើបទទួលបានវិញ្ញាបនបត្រគុណវុឌ្ឍិបុគ្គលិកប្រតិបត្តិការដែលចេញរួមគ្នាដោយក្រសួងឧស្សាហកម្ម និងមជ្ឈមណ្ឌលត្រួតពិនិត្យឧបករណ៍មានហានិភ័យខ្ពស់ ហើយត្រូវកាន់វិញ្ញាបនបត្រនេះដើម្បីបំពេញការងារ និងបញ្ជាឧបករណ៍ទៅតាមប្រភេទដែលបានកំណត់។ នៅពេលរោងចក្រ សហគ្រាស និងសិប្បកម្មស្នើសុំវិញ្ញាបនបត្រសុវត្ថិភាពឧបករណ៍ ត្រូវតែភ្ជាប់មកជាមួយនូវវិញ្ញាបនបត្រគុណវុឌ្ឍិរបស់បុគ្គលិកប្រតិបត្តិការដែលកំពុងបម្រើការងារ ដើម្បីដាក់ជូននៅបញ្ជរផ្តល់សេវាសម្រាប់ការចុះបញ្ជីតម្កល់ទុក។ ចំពោះបុគ្គលិកដែលកាន់លិខិតអនុញ្ញាតប្រតិបត្តិការរបស់បរទេស ត្រូវតែឆ្លងកាត់ការប្រឡងវាយតម្លៃ ( ទាំងទ្រឹស្តី និងការអនុវត្តផ្ទាល់ )ពីមជ្ឈមណ្ឌលត្រួតពិនិត្យឧបករណ៍មានហានិភ័យខ្ពស់ ដើម្បីប្តូរយកលិខិតអនុញ្ញាតប្រតិបត្តិការការងារហានិភ័យខ្ពស់របស់ព្រះរាជាណាចក្រកម្ពុជា។
៤) បទប្បញ្ញត្តិស្តីពីការចាត់វិធានការចំពោះការល្មើស
រូបវន្តបុគ្គល ឬរោងចក្រ សហគ្រាស និងសិប្បកម្មណាមួយដែលល្មើសនឹងលក្ខខណ្ឌតម្រូវនៃការគ្រប់គ្រងដែលមានចែងក្នុង
សេចក្តីជូនដំណឹងនេះ ក្រសួងឧស្សាហកម្មនឹងអនុវត្តទណ្ឌកម្មរដ្ឋបាលយ៉ាងម៉ឺងម៉ាត់ស្របតាមមាត្រាពាក់ព័ន្ធនៃ «ច្បាប់ស្តីពីការគ្រប់គ្រងរោងចក្រ និងសិប្បកម្ម» នៃព្រះរាជាណាចក្រកម្ពុជា៕
